|
Қостанай облысы әкімдігі білім басқармасының «Бейімбет Майлин ауданы білім бөлімінің Новоильинов жалпы білім беретін мектебі» КММ
КГУ «Новоильиновская общеобразовательная школа» отдела образования района Беимбета Майлина» Управления образования акимата Костанайской области |
|
|---|
Жазғы демалыс қарсаңында, судағы жазатайым оқиғалардың алдын алу мақсатында мектеп әкімшілігі мен жалпы мектептік ата-аналар комитетінің мүшелері бірлесіп ауыл аумағындағы Тобыл өзені жағалауына профилактикалық тексеріс жүргізді.
🛑 Алдын алу шаралары аясында өзен жағасында арнайы жабдықталмаған жерлерде шомылуға тыйым салатын ескерту белгілері орнатылды. Бұл – жаз мезгілінде балалардың су айдындарында қауіпсіздігін қамтамасыз етудің маңызды бөлігі.
📌 Құрметті ата-аналар!
Балаларыңызбен су жағасындағы қауіпсіздік ережелері туралы түсіндіру жұмыстарын жүргізулеріңізді сұраймыз. Шомылуға тек арнайы жабдықталған, қауіпсіздігі қамтамасыз етілген жерлерде ғана рұқсат етілетінін ұмытпаңыздар.
⚠️ Назар аударатын жайттар:
– Балалардың су айдындарына ересектерсіз баруына жол бермеңіздер;
– Су жағасындағы қауіп-қатерлер туралы жиі ескертіңіздер.
|
30
Мамыр
2025
|
Бүгін мектепте мектеп басшысының жетекшілігімен сынып жетекшілерінің қатысуымен жиналыс өтті. Жиын барысында басты назар жазғы демалыс кезінде оқушылардың қауіпсіздігін қамтамасыз етуге бағытталды.
Талқыланған негізгі мәселелер:
✔️ Каникул алдындағы түсіндіру жұмыстарын жүйелі түрде жүргізу;
✔️ Су айдындары, жол қозғалысы және тұрмыстық қауіпсіздік бойынша оқушыларға үнемі бақылау жүргізу;
✔️ Ата-аналармен тығыз байланыс орнату, жаз мезгілінде балалардың өмірі мен денсаулығы үшін олардың жауапкершілігін еске салу.
Сынып жетекшілеріне алдын алу шараларын ұйымдастыру және нұсқаулық жұмысты тіркеу бойынша нақты ұсыныстар берілді.
2025 жылғы 24 сәуірдегі №82 бұйрыққа және Қазақстан Республикасы Оқу-ағарту министрінің міндетін атқарушының 2024 жылғы 10 шілдедегі №174 бұйрығына енгізілген өзгерістерге, сондай-ақ Қостанай облысы әкімдігі білім басқармасының 2025 жылғы 5 мамырдағы №03-10/2343 хатына сәйкес, 2025 жылғы 23 мамырда Қостанай қаласының барлық білім беру ұйымдарында «Білімім – Отаныма!» атты бірыңғай сынып сағаттары ұйымдастырылды.
Іс-шараның мақсаты – оқу жылының қорытындысын шығару, жазғы демалыс уақытын тиімді жоспарлау, оқушылардың сыни ойлау дағдыларын дамыту және азаматтық жауапкершілікті арттыру.
Сынып сағаттары аясында эссе байқауы өткізілді. Оқушылар үш тақырыптық бағыт бойынша өз ойларын шығармашылықпен жеткізді:
1–4 сыныптар – «Таза Қазақстан»
5–9 сыныптар – «Заң және тәртіп»
10–11 сыныптар – «Адал азамат»
Мектебіміздің 3-сынып оқушысы
Нурикамал Ерболқызының “Таза ел - бақытты ел” атты эссе жұмысы аудандық кезеңде жеңімпаз болып, облыстық эссе жинағын жолданды. Оқушымызды жеңісімен құттықтаймыз.
Барлық жеңімпаздарды шын жүректен құттықтаймыз!
|
27
Мамыр
2025
|
Республикалық «Таза Қазақстан» экологиялық акциясы аясында мектеп ауласындағы клумбаларға мектептің жылыжайында оқушылардың өз қолымен өсірілген әдемі де хош иісті петуния гүлдері отырғызылды.
Мұндай шаралар мектеп ауласын көркейтіп қана қоймай, оқушыларға табиғатты аялауды, жауапкершілік пен еңбекқорлықты үйретеді.
🌱 Табиғатты бірге қорғайық, туған өлкемізді көркейте берейік!
|
26
Мамыр
2025
|
Қуғын-сүргін тақырыбы бекер таңдалған жоқ: бұл тек тарихи оқиғаларды ғана емес, сонымен қатар қазіргі күнге дейін өзектілігін жоғалтпаған моральдық-этикалық мәселелерді де қозғайды. Бұл оқушылар үшін де ұлттық тарихтың күрделі қырларын түсінудің, факті мен интерпретацияны ажырата білудің, саяси шешімдердің себептері мен салдарын талдаудың бір жолы.
Пікірталасқа екі тарап қатысты: бірі қуғын-сүргінді ұғынып, айыптаудың қажеттігін қолдаса, екіншісі сол кезеңдегі биліктің әрекеттерін уақыттың талабымен байланыстырып, мемлекет қауіпсіздігі, тәртіп пен дамуы мәселелеріне назар аударуға тырысты.
|
26
Мамыр
2025
|
Бұл маңызды әрі әсерлі шараға оқушылар, мұғалімдер мен ата-аналар жиналып, аяқталған оқу жылының қорытындыларын шығарып, үздіктерді марапаттады.
📚 Жиын барысында оқу озаттары, мектепішілік іс-шараларға белсене қатысқан оқушылар, түрлі байқаулар мен спорттық жарыстардың жеңімпаздары грамоталармен және ақшалай сыйлықтармен марапатталды.
👏 Біз өзіміздің дарынды, мақсатшыл және еңбекқор оқушыларымызды мақтан тұтамыз!
🙏 Мұғалімдер қауымына – еңбегі мен адалдығы үшін, ата-аналарға – қолдауы үшін, оқушыларға – білімге деген ынтасы мен мектеп өміріне белсенді қатысқаны үшін алғысымызды білдіреміз.
🌟 Алда – жаңа белестер, жаңа жетістіктер мен шабытқа толы күндер болсын!
Баршаңызға жарқын, қауіпсіз және мазмұнды жаз тілейміз!
