Қостанай облысы әкімдігі білім басқармасының «Бейімбет Майлин ауданы білім бөлімінің Новоильинов жалпы білім беретін мектебі» КММ
КГУ «Новоильиновская общеобразовательная школа» отдела образования района Беимбета Майлина» Управления образования акимата Костанайской области

15.04 Бейімбет Майлин ауданының білім бөлімінің «Новоильинов жалпы білім беретін мектебі» КММ-де
«Білім беру және тәрбие үдерісінің интеграциясы: мектеп басшысының орынбасары мен әлеуметтік педагогтың оқушылардың жан-жақты дамуын қолдаудағы рөлі» атты аудандық семинар өтті.
Іс-шараға ауданның 21 мектебінен оқу және тәрбие ісі жөніндегі директор орынбасарлары қатысты.
Семинар кәсіби пікір алмасуға және тәжірибе бөлісуге арналған тиімді алаңға айналды. Семинар бағдарламасын мектебіміздің педагогтары өткізді, олар өздерінің жоғары кәсіби шеберлігін, шығармашылық көзқарасын және тиімді педагогикалық тәжірибесін көрсете білді.
Бағдарлама аясында қатысушылар:
білім беру мен тәрбиенің бірлігін көрсететін интеграциялық және сыныптан тыс іс-шараларға қатысты;
оқушыларға психологиялық қолдау көрсетудің тиімді тәсілдерімен танысты;
көшбасшылық, мектептегі құқықбұзушылықтардың алдын алу (қуыршақ театры арқылы), педагогикалық ұжымды ұйымдастыру бойынша шеберлік сыныптарына қатысты;
дін және ұлтаралық саясаттың дамуы жөнінде облыстық спикерлермен пікір алмасты.

Әрбір іс-шара оқушылар үшін қолайлы және дамытушы орта қалыптастыруда педагогтардың бірлескен жұмысының маңыздылығын көрсетті. Барлық қатысушыларға белсенділік танытқаны үшін алғысымызды білдіреміз, ал мектебіміздің ұстаздарына – мазмұнды, әсерлі әрі шабыттандыратын баяндамалары үшін ерекше алғыс айтамыз!